KEV SIV TSHUAJ TSHUAB PAS (Peak Flow Meter

Kev siv lub tshuaj tshuab pas zoo lis cas nej saib raws lis nram qab no yuav pab tau rau nej paub txog txoj kev siv lis cas thiaj muaj txiaj ntsim thiab thiaj lis yuav kho tau koj tus mob zoo.
Peak Flow Meter (Lub Tshuaj Pas) - thiab kev siv 

HLUB NWS

 

Suav txij lis lub sij hawm tau pom nws los, ua rau kuv muab nws los nco txog nws, muab nws khaws cias rau hauv nruab siab twj ywm vim tsis paub yuav muab txoj kev hlub nws piav tawm los zoo lis cas rau nws paub thiab xav kom nws nkag siab hais tias muaj ib tug neeg nyiag nyiam thiab hlub nws lawm. Nyob hauv lub ntiaj teb no ntshe yuav tsis muaj ib yam dab tsi yuav ua rau txom nyem lub siab npaum lis muab ib tug tib neeg coj los ntsaws rau hauv yus lub siab yam tsis muaj ib txoj kev cias siab twg los yus pheej tso tsis tau, tsis muaj leej twg yuam los yus yeej phej ua ntawv yog khaws nco thiab hlub ib tug tib neeg ua nws yeej ib txwm tsis paub tias yus hlub nws, Muaj qees zau yus tsua zaum deb deb thiab xav twj ywm hais hais tias txawm tsis tau tuav nws tes tsis tau nrog nws mus ib ntxhai ua ib ke los yus zaum ib qho ntsia xwb yeej zoo lub siab lawm, tej zaum hauv lub ntej teb no muaj coob leej ntau tus yeej poob rau txoj kev zoo lis yus thiab lawv kuj twb xav twj ywm tias yog yus hlub ib tug neeg lawm tsis yog yus tau nrog nws nyob ua ke thiaj lis hais tias yog kev hlub txawm nyob deb deb saib nws muaj kev zoo siab xwb los ntawv yeej yog ib txoj kev hlub ua zoo thiab tsis muaj ib leej twg yuav nkag siab txog ib tug neeg zoo lis yus thiab ib txoj kev hlub uas tsua yog yus xwb thiaj lis nkag siab.....

Kev hlub nyob twg?

Tej zaum yuav muaj tsis tsawg tshaj ib zaug hauv koj lub neej uas koj zaum ib leeg thiab xav twj ywm tias txoj kev hlub tiag tiag ntawv nws nyob qhov twg thiab hauv lub ntiaj teb no puas muaj ib tug twg muaj ib nplooj siab yuav los hlub yus tiag thiab nws yeej yuav hlub yus mus ib sim yuav tsis muaj hnub hloov siab tsis hais lub sij hawm txom nyem los lub sij hawm muaj noj muaj haus muaj kev mob nkeeg muaj kev zoo siab, tus siab los nws nyob nrog nraim ntawm yus ib sab ua yus ib tug phooj ywg ua ib qhos chaws rau yus so yus lub zog, ua ib qhos chaws rau yus thaum tawm yus txoj kev nyuaj siab uas ib txwm khaws cias hauv siab tsi hais rau leej twg, los yog ua ib tug nws yuav so yus lub kua muag thaum yus muaj kev tus siab uas yus lub kua muag poob.
Peb txhua tus tus yug los rau hauv lub ntiaj teb no nws zoo lis zaj dab neeg nkauj ntshuab thiab txiv nraug nab nkawv thaum yawm saub tsim tau nraug nab los, nws ntshais tsam nraug nab ib leeg xwb lub neej yuav tsi muaj txoj kev lom zem thiab muaj txoj kev zoo siab. Yawm Saub thiaj lis muaj nraug nab tus tav los puab ua tau ib tug koj niam thiaj muab tis ua nkauj ntsuab los nrog nraug nab nyob ua txij uas nkawm, los tsim lub noob neej...Peb los yeej ib yam yus tsis txhob tus siab rau yus tus kheej thov ntseeg thiab muab ib txoj kev ntseeg rau hauv yus lub siab tias ib hnub twg yus yeej yuav nrhiav tau yus tus Tav xwb. Tej zaum yuav muaj tsis tsawg tus hauv peb ib tsoom tub ntxhais hluas yuav muaj txoj kev xav mus rau yam uas tsis yog lawm los kuj muaj, tsis hais tus zoo nkauj dab tuag los peb yeej yuav nrhiav tau ib tug haum yus xwb es tsis txhob xav ntau tias tsam yus ho yuav tsis muaj tus los hlub los nyiam yus, thiab ho tsis txhob tus lub siab thiab cov muam uas tau nraug luag nrauj los yog rau luag tso los lawm tsis txhob xav tias zoo lis yus no es puas yuav muaj ib tug twg yuav los hlub yus lawm, koj tsis txhob tag kev cias siab rau koj tus kheej ma yuav tsum muab yus txoj kev ntseeg thiab qhib yus lub siab kom dav ib hnub twg yeej yuav muaj tus nws yuav los hlub yus xwb.

Kuv vam tias tsab ntawv no yuav nrhiav tau ib txoj hau kev rau koj pib dua lub neej tshiab.
Tus sau : YOUA